www.info-sportks.page.tl

Cesar: Do të shqetësohesha po të isha argjentinas

ARBNOR GASHI on 09/05/2009 at 11:10am (UTC)

Portieri i Brazilit, Julio Cesar, është i bindur se përfaqësuesja e tij do të nxjerrë rezultat pozitiv në ndeshjen e të shtunës kundër Argjentinës.
“Po të isha lojtar i Argjentinës do të isha i preokupuar me Brazilin”, ka thënë portieri Interit, duke shtuar se megjithatë ka respekt për kundërshtarin e tij.

Edhe Cesar, si të gjithë argjentinasit, ka vënë bastin mbi superyllin Leo Messi: “Messi është lojtar nga një tjetër planet”, shprehet ai.

Mazzone: Scudetto, garë ndërmjet Juves dhe Interit

ARBNOR GASHI on 09/05/2009 at 11:09am (UTC)

Sipas ish-trajnerit të Romës, njëkohësisht trajnerit më me përvojë në Itali, Carlo Mazzone, gara për Scudetto në sezonin 2009/2010, do të zhvillohet ndërmjet Juventusit dhe Interit.
“Këtë sezon, për Scudetto pres përballje kokë më kokë ndërmjet Juventusit dhe Interit”.

“Milani do t’u shkojë prapa, sepse nuk mendoj që (Rossonerët) do të mund t’i rikuperojnë të gjitha ndryshimet që kanë bërë deri më tani”, ka thënë Mazzone për “Corriere dello Sport” duke shtuar se edhe sigurimi i një vendi për në Ligën e Kampionëve do të paraqesë një garë të fortë.

“Tash për tash Fiorentina është favoriti im, mirëpo aty është Genoa që është shumë afër, Sampdoria skuadër e cila mund të jetë zbulimi i këtij sezoni, Lazio, Napoli, Roma dhe Palermo”, ka shtuar Mazzone.

Messi: Argjentina-Brazil, ndeshja ime

ARBNOR GASHI on 09/05/2009 at 11:09am (UTC)

Superylli i Barcelonës, Lionel Messi, thotë se ndeshja e të shtunës ndërmjet Argjentinës dhe Brazilit, e cila do të zhvillohet në qytetin e tij Rosario, është ndeshja ku ai do të shkëlqejë.
Trajneri i Argjentinës, Diego Maradona, ka kërkuar që kjo përballje të transferohet nga Buenos Airesi, në qytetin e lindjes së Messit, me qëllim që t’i japë motivim shtesë lojtarit më të mirë në botë.

“Është shumë e veçantë që do të luaj në qytetin tim. Kjo është ndeshja ime- një ‘Clasico’ të cilin Brazili do të mundohet ta fitojë. Nuk ka rëndësi nëse shënoj unë ose ndonjë bashkëlojtar e bën këtë, por ajo që është e rëndësishme është fitorja”.

“E dimë se kjo ndeshje është e rëndësishme dhe ne jemi të bindur se do ta fitojmë”, ka thënë Messi.

Iniesta: Nuk duhet të jem Kaka që të luaj mirë

ARBNOR GASHI on 09/05/2009 at 11:08am (UTC)

Mesfushori i Barcelonës, Andres Iniesta, thotë se nuk ka nevojë të jetë si superylli brazilian i Real Madridit, Ricardo Kaka, për të luajtur futboll të mirë.
“Nuk duhet të jem Kaka që ta luaj futbollin tim. Ne jemi dy lojtarë të ndryshëm që po mundohemi të japim më të mirën për skuadrat tona”, ka thënë Iniesta, i cili ende nuk është aktivizuar në sezonin e ri, si pasojë e një infeksioni.

“Tash për tash po mendoj vetëm për (ndeshjen kundër) Getafe”, ka shtuar spanjolli në një intervistë për “AS”.

Xhemajli: Parma më dëshironte më shumë

ARBNOR GASHI on 09/05/2009 at 11:07am (UTC)

Mesfushor i Parmës, Blerim Xhemajli, ka treguar arsyen për vendimin e tij që t’i bashkëngjitet Parmës dhe jo Palermos, skuadër e cila ka kërkuar shërbimet e tij gjatë gjithë verës.
Mesfushori shqiptar me pasaportë zvicerane, i cili është kërkuar edhe nga Fiorentina dhe Milani, thotë se vendimi i tij për t’iu bashkëngjitur Parmës kishte ardhur, pasi që skuadra ku është aktualisht i huazuar e kishte kërkuar më shumë.

“Parma më dëshironte më shumë. Është një skuadër e cila më ka pëlqyer, dhe në fund vendosa me zemrën time”, është shprehur 23-vjeçari për “Sky”.

Maradona: Ofensive totale ndaj Brazilit

ARBNOR GASHI on 09/04/2009 at 8:38pm (UTC)

Diego Armando Maradona i leshon sfiden Brazilit ne prag te derbit te se shtunes ne Rosario.

“Do sulmojme nga te gjitha anet dhe kjo eshte e sigurt”, shprehet tekniku i Argjentines, duke shtuar: “Do kerkojme ta mbysim skuadren e Dunges, ta shtyjme drejt portes”, thekson ish sulmuesi bardhekalter.

Ne vijim, ai sqaron skemen qe do perdore per ofensiven totale ndaj kombetares Selecao. “Mund ta bejme nga krahet me Veron me mes, ndersa Tevez dhe Messi do krijojne rremuje ne mbrojtjen braziliane”, shprehet Maradona.

I menjehershem ka qene reagimi i Kaka. “Do kete shume presion ne kete ndeshje por kundershtaret do jene te tensionuar ne fillim dhe ne duhet te perfitojme nga kjo gje. Ka disa faktore qe mund te na ndihmojne te fitojme”, ve ne dukje Kaka.

<- Back

1 ... 31 32 33 34 35 36 37 ... 52

Continue ->