www.info-sportks.page.tl

Hyka: T’u shkaktojme humbjen e pare danezeve

ARBNOR GASHI on 09/04/2009 at 11:36am (UTC)

Josip Kuzhe ka vendosur ta kete ne dispozicion, duke mos e lejuar Jahmir Hyken te bashkohet me Shpresat per sfiden e se shtunes kunder Azerbajxhanit.

Mosaktivizimi i Vangjelit per shkak demtimi ka bere qe tekniku kroat ta shohe mesfushorin 21-vjeçar si nje alternative te mire, nese do te jete e nevojshme qe Agolli te luaje ne mbrojtje.

“Tashme eshte vendosur qe nuk do te luaj edhe per U-21, pavaresisht se trajneri Bushati me kerkoi.Stafi teknik me ka komunikuar se do te vazhdoj stervitjen me Kombetaren per ndeshjen me Danimarken”, pohoi Hyka.

“Shanse per t’u aktivizuar? Te them te drejten nuk kam biseduar me trajnerin, pasi vendime te tilla i takojne vetem atij. Personalisht mund te them se nese do te zbres ne fushe, do te jap maksimumin per te justifikuar besimin. Do te bejme me te miren, pse jo edhe te fitojme, pasi asnje skuader nuk e fillon lojen me idene qe te humbase”.

Danezet jane skuadra e vetme ne Grupin 1 qe nuk e njeh humbjen ne keto eliminatore te Boterorit 2010. “Danimarka eshte nje skuader qe kombinon futbollin fizik me ate teknik. Ne mund t’i veme ne veshtiresi me perdorimin e topit dhe duke i kundersulmuar shpejt. Edhe mund te ndodhe qe humbja e tyre e pare te vije pikerisht pas sfides ne ‘Qemal Stafa’. Ne futboll çdo gje eshte e mundur”, perfundoi talenti qe militon te Mainci ne Bundesligen gjermane.

Cana kapiten i përhershëm i Sunderlandit

ARBNOR GASHI on 09/04/2009 at 11:35am (UTC)

Transferi i ri i Sunderlandit, Lorik Cana, e ka bartur shiritin e kapitenit në ndeshjet e fundit, ndërsa tani menaxheri i ekipit Steve Bruce ka konfirmuar se mesfushori kosovar ka arritur ta bindë se është njeriu që meriton të jetë kapiten i përhershëm i skuadrës.
“E kam marrë vendimin dhe Loriku do të jetë kapiten i klubit. Ai e ka bërë një gjë të tillë më herët te klubi i tij i mëparshëm (Marseille)”.

“Disa njerëz mund t’i çojnë vetullat dhe të thonë: ‘Ai është lojtar i huaj’, mirëpo ai e flet gjuhën në mënyrë të përsosur, ai udhëheq nga shembulli, është në moshë të mirë, ka përvojë...”.

“Mendoj se kushdo që e ka ndjekur atë do të kuptojë pse e kam bërë kapiten të skuadrës”, ka thënë Bruce për faqen zyrtare të Sunderlandit.

Mancini: Ibra sulmuesi më i mirë në botë

ARBNOR GASHI on 09/04/2009 at 11:35am (UTC)

Ish-trajneri i Interit, Roberto Mancini, thotë se Zlatan Ibrahimovici është sulmuesi më i mirë në botë, ndërsa ka mbështetur idenë që Antonio Cassano duhet të luajë për Italinë.
“Është keq që Ibrahimovici u largua nga Interi, sepse ai është sulmuesi më i mirë në botë. Megjithatë, Eto’o është i mirë dhe ka shënuar shumë herë”, është shprehur Mancini për “La Gazzetta Dello Sport”.

Mancini ka folur edhe për sulmuesin e Sampdorias, Antonio Cassano, të cilin trajneri i përfaqësueses së Italisë, Marcelo Lippi, nuk e fton në kombëtare.

“Cassano është lojtari më i mirë italian dhe është turp që ai nuk është në skuadër. Mendoj se ai është pjekur, megjithatë unë nuk jam trajneri”, ka shtuar Mancini.

Beckham do të kthehet te Milan në janar

ARBNOR GASHI on 09/04/2009 at 11:34am (UTC)

"Il Giornale" njofton se David Beckham do të kthehet te Milani në janar me qëllim që t’i japë një shtytje mesfushës së Rossonerëve dhe të sigurojë një vend në përfaqësuesen e Anglisë për Kampionatin Botëror 2010.
Në këtë njoftim thuhet se kuqezinjtë kanë lënë një vend të lirë në skuadër për mesfushorin anglez, pasi që dështuan ta transferonin mesfushorin tetovar Blerim Xhemajli gjatë këtij afati kalimtar.

Beckham aktualisht është lojtar i Los Angeles Galaxy, ndërsa pritet që në ndeshjen e 6 janarit kundër Genoas, ai do të jetë në fushë me fanellën e Milanit.

Ish-kapiteni i Anglisë është detyruar nga trajneri i Tre Luanëve, Fabio Capello, që të luajë në një skuadër evropiane, nëse dëshiron që të përfshihet në ekipin që do ta përfaqësojë Anglinë në Afrikën e Jugut gjatë verës së ardhshme.

Platini: Diego dhe Del Piero duhet të luajnë bashkë

ARBNOR GASHI on 09/04/2009 at 11:33am (UTC)

Fillimi i mbarë i Diegos në sezonin e ri me Juventusin ka tërhequr edhe vëmendjen e legjendës franceze Michel Platini.
Presidenti i UEFA-s beson se Diego së bashku me ikonën Alessandro Del Piero mund t’i ndihmojnë Juves drejt sukseseve, për të lënë prapa Calciopolin që e dëmtoi shumë skuadrën më të suksesshme italiane.

“Nuk e njoh mirë Diegon, mirëpo ai i takon kategorisë së numrave dhjetë. Ai bën pjesë në grupin e lojtarëve që janë të uritur për gola. Dhe ai e ka emrin e Maradonës.

“Është një grusht i madh: Juve ka vënë gjithë bastin tek ai, ndërsa unë pres që ta shoh atë bashkë me Del Pieron”, ka thënë Platini për “La Gazzetta dello Sport”, i cili ka dëshirë të madhe që t’ia dorëzojë trofeun e Ligës së Kampionëve skuadrës së tij të dikurshme.

Lazio mohon kalimin e Kasamit në Palermo

ARBNOR GASHI on 09/04/2009 at 11:33am (UTC)

Klubi romak Lazio ka hedhur poshtë raportet se talenti shqiptar Pajtim Kasami është në rrugë për të kaluar Palermo.
I riu 17-vjeçar nga Maqedonia, i cili ka nënshtetësi zvicerane, ishte pjesë e të rinjve të Liverpoolit, nga ku në janar të këtij viti kaloi në radhët e Lazios, sigurisht me ndihmën e edhe të drejtorit sportiv të këtij klubi, Igli Tare.

Mesfushori defanziv është lidhur me një largim nga Lazio këtë verë për shkak të pamundësisë për të gjetur vend me formacionin e parë, por klubi romak thotë se talenti shqiptar është i nevojshëm për ekipin.

“Lazio dëshiron të bëjë të ditur se lajmi për transferimin e supozuar të lojtarit tonë Pajtim Kasami te Palermo, është plotësisht i pabazë”, thuhet në deklaratën e Lazios.

<- Back

1 ... 33 34 35 36 37 38 39 ... 52

Continue ->