www.info-sportks.page.tl

FIFA ndalon Chelsean të transferojë për një vit

ARBNOR GASHI on 09/03/2009 at 3:28pm (UTC)

FIFA ka bërë të ditur se ka përjashtuar Chelsean për një vit nga nënshkrimi me ndonjë lojtar të ri për vitin e ardhshëm, pasi ka inkurajuar një lojtar francez të thyejë kontratën e tij dhe të nënshkruajë për klubin.
Chelsea nuk do të mund të regjistrojë lojtarë të rinj, qoftë nga Anglia ose jashtë saj, gjatë dy afateve të ardhshme kalimtare, në janar 2010 dhe në fund të sezonit të ardhshëm.

Dhoma për Zgjidhjen e Konflikteve e FIFA-s, ka marrë këtë vendim pasi ekipi francez Lens është ankuar se Chelsea ka joshur Gael Kakuta për të thyer kontratën e tij me klubin francez, për të kaluar në Londër.

FIFA po ashtu ka ndaluar Kakuta-n nga loja për katër muaj dhe ka urdhëruar atë dhe Chelsan të paguajnë kompensimin dhe çmimin e stërvitjeve për Lens. Chelsea mund të ankohet ndaj këtij vendimi.

Milito: Interi është nivel të njëjtë me Barcën

ARBNOR GASHI on 09/03/2009 at 3:27pm (UTC)

Sulmuesi i Interit, Diego Milito, beson se skuadra e tij do të tregojë kualitete kur do të përballet me Barcelonën në kuadër të fazës grupore të Ligës së Kampionëve.
Interi dhe Barcelona do të ndeshen në Giuseppe Meazza me 16 shtator në ndeshjen e parë grupore (në Grupin F), ndërsa ndeshja kthyese në Camp Nou, do të zhvillohet me 24 nëntor.

“Është një stimulim i jashtëzakonshëm të luash kundër kampionit të Evropës (për klube)”.

“Barcelona është një skuadër e madhe, mirëpo ne do të luajmë në nivel të njëjtë”, ka thënë argjentinasi për “Tuttosport”.

Ftohet në Turqi Përfaqësuesja e Kosovës në hendboll

ARBNOR GASHI on 09/03/2009 at 3:27pm (UTC)

Të mërkurën, Federata e Hendbollit e Kosovës ka marrë ftesë zyrtare nga Federata turke e hendbollit për zhvillimin e disa ndeshjeve miqësore nga data 29 tetor deri më 1 nëntor të këtij viti, në kuadër të javës së EHF-së (European Handball Federation).
Veç Kosovës, në këtë turne janë ftuar edhe përfaqësueset e Egjiptit, Bosnjë e Hercegovinës, Greqisë dhe Italisë.

Pas konfirmimit të pjesëmarrjes së përfaqësueseve, do të caktohet vendi i zhvillimit të ndeshjeve si dhe numri i përfaqësueseve, varësisht nëse do t’i përgjigjen pozitivisht ftesës.

Babel dëshiron të largohet nga Liverpooli

ARBNOR GASHI on 09/03/2009 at 8:38am (UTC)

Anësori i Liverpoolit, Ryan Babel, dëshiron të largohet në formë huazimi pasi vazhdimisht lihet jashtë ekipit të parë nga Rafael Benitez.
Holandezi 22-vjeçar është cak i ish-klubit të tij Ajax, me mundësinë që të kalojë atje në muajin janar dhe të luajë një gjysmë sezoni në përgatitje për Kupën Botërore.

“Ka pasur shumë gjëra që janë premtuar, por asnjëra nuk është përmbajtur. Doja të luaj më shumë minuta dhe të kem më shumë shanse, por menjëherë pas humbjes së parë, unë e humbja vendin tim”, ka thënë Babel.

“Mendoj se një gjysmë sezoni në Ajax me synimin për të arritur në Kupën Botërore, nuk do të ishte një ide e keqe. Mund t’i jap diçka ekipit të Ajaxit. Huazimi nuk ishte opsion gjatë verës. Tash jemi pajtuar ta shikojmë situatën në muajin janar”, ka shtuar holandezi.

Sylvinho: Robinho në të njëjtin nivel me Messi

ARBNOR GASHI on 09/03/2009 at 8:37am (UTC)

Përforcimi i ri i Manchester Cityt, Sylvinho, nuk nguron ta krahasojë Robinhon me ish-bashkë-lojtarin e tij te Barcelona, Lionel Messi.
“Nuk më pëlqen t’i krahasoj lojtarët, klubet ose trajnerët. Në botë ka pesë ose gjashtë lojtarë të ndryshëm, të cilët janë në një nivel të lartë, dhe Robinho është një prej tyre”, ka thënë Sylvinho.

“Messi është i mrekullueshëm dhe po e shijon formën më të mirë në karrierën e tij në Barcelona. Ai pati një sezon të shkëlqyeshëm dhe ishte një prej lojtarëve më të mirë në finalen në Romë. Ai është në një moment ndryshe në jetën e tij”, ka shtuar braziliani.

Ancelotti i kënaqur me kontratën e re të Cole

ARBNOR GASHI on 09/03/2009 at 8:37am (UTC)

Menaxheri i Chelseat, Carlo Ancelotti, është i ngazëllyer me Ashley Cole, i cili ka nënshkruar kontratë katërvjeçare.
“Jam shumë i lumtur që Ashley ka dhënë besimin ndaj Chelseat”, ka thënë Carlo Ancelotti për faqen zyrtare në internet të bluve.

“Ai është një prej mbrojtësve të majtë më të mirë në botë, por unë besoj se forma e tij më e mirë do të vijë në të ardhmen. Jam shumë i kënaqur që kjo do të ndodhë në fanellën e Chelseat”, ka shtuar italiani.

<- Back

1 ... 35 36 37 38 39 40 41 ... 52

Continue ->