www.info-sportks.page.tl

Zoff: Anglia do ta fitojë Botërorin

ARBNOR GASHI on 09/11/2009 at 7:04pm (UTC)

Portieri legjendar italian dhe fituesi i Kupës së Botës në vitin 1982, Dino Zoff, ka favorizuar përfaqësuesen e Anglisë, si skuadër e cila mund ta fitojë Botërorin e ardhshëm.
Zoff thotë se Italia dhe Marcelo Lippi e kanë shumë të vështirë që ta fitojnë sërish Kampionatin Botëror që mbahet vitin e ardhshëm në Afrikën e Jugut.

“A mund ta fitojmë Kupën e Botës sërish? Dyshja është gjithmonë e vështirë, por e mundur”.

“Janë Brazili, Italia, Spanja, por mbi të gjithë e shoh një skuadër të madhe të Anglisë”.

“Problemi i vetëm është se ata shpenzojnë shumë energji dhe luajnë shumë ndeshje. Ata thuajse luajnë çdo ditë në Angli”.

“Sido që të jetë, ata e kanë Capellon, i cili luan futboll të thjeshtë, por të guximshëm. Ai është një trajner normal, i cili sjell fitore”, ka thënë Zoff për “Sportmediaset”.

Tri javë moslojë për Tevezin

ARBNOR GASHI on 09/11/2009 at 7:03pm (UTC)

Sulmuesi i Manchester Cityt, Carlos Tevez, nuk do të luajë për pasanikët në tre javët e ardhshme për shkak të lëndimit të gjurit që pësoi duke luajtur për Argjentinën.
“Sky Sports News” njofton se argjentinasi do të mungojë në ndeshjen e rëndësishme të Ligës Premier kundër Arsenalit, ndërsa do të mungojë edhe në derbin e qytetit të Mançesterit kundër ish-skuadrës së tij, Manchester United.

Në dyshim për lojë është edhe braziliani Robinho, për të cilin pritet të vendoset sot nëse do të luajë të shtunën kundër Arsenalit.

Bolonja, nga Taci tek Sabatini

ARBNOR GASHI on 09/11/2009 at 7:01pm (UTC)

Rezart Taci ka dale perfundimisht nga “loja” per te blere klubin italian te Bolonjes.

Presidentja e shoqerise emiliane ka konfirmuar nisjen e bisedimeve me pronarin e klubit te basketbollit Virtus Bologna, Claudio Sabatini. Francesca Menarini dhe presidenti i basketbollit po punojne me termat e kontrates dhe kjo mund te jete nje zgjidhje ideale per klubin emilian.

Sipas mediave italiane, gjate muajve te veres, Taci ishte shume prane blerjes perfundimtare te Bolonjes, por ai u terhoq ne momentet e fundit per shkaqe qe nuk dihen ende.

Benzema, i perjashtuari i Domenech

ARBNOR GASHI on 09/11/2009 at 6:59pm (UTC)

22 vjecari Karim Benzema cilesohet si nje nga sulmuesit me te mire te momentit, por eshte i cuditshem fakti pse trajneri i Frances, Raymond Domenech e aktivizon shume pak.

35 milione euro pagoi Florentino Perez per ta marre tek Reali talentin francez, por Domenech as qe do t’ia dije per te edhe pse Franca vuan nga mungesa e theksuar e golave. Tekniku i gjelave preferon te aktivizoje ne krah te Henry sulmuesin e Toulouse, Andre-Pierre Gignac.

Por sipas gazetes “AS”, pas gjithe kesaj mund te jete nje arsye raciale e Domenech pasi Benzema eshte nje francez me gjak algjerian. Franca rrezikon pjesemarrje ne boteror pasi me shume gjasa do te luaje ne nje ndeshje play-off sepse vendin e pare ne grup e mban e sigurt kombetarja e Serbise.

Totti: Kam refuzuar Realin dhe Barcën për Romën

ARBNOR GASHI on 09/11/2009 at 6:58pm (UTC)

Simboli i Romës, Francesco Totti, ka thënë se e meriton një kontratë të re me Giallorossët duke qenë se ka refuzuar para të majme nga Real Madridi dhe Barcelona disa vite më parë.
Kapiteni do të shpërblehet me kontratë pesëvjeçare me pagë vjetore prej pesë milionë eurosh, ndërkohë që disa kritikë e kanë konsideruar si hap të gabueshëm të Romës këtë kontratë.

“Mendoj se e kam merituar kontratën. Askush nuk më ka dhuruar kurrë diçka. Është një kontratë e rëndësishme, por unë kurrë nuk kam menduar për paratë, përndryshe do të shkoja te Real Madridi ose Barcelona, kur ata më dëshironin në moshë 26-vjeçare dhe më ofronin dyfishin e kësaj që marr tash”.

“Gjithmonë kam dashur të kem karrierë me këtë fanellë. Prandaj meritoj respekt, sepse është çështje zemre, jo parash”, ka thënë Totti për “Sky Sport Italia”.

Naldo nënshkruan kontratë të re me Werderin

ARBNOR GASHI on 09/11/2009 at 6:57pm (UTC)

Mbrojtësi brazilian Naldo ia ka kushtuar të ardhmen e tij Werder Bremenit duke nënshkruar kontratë të re katërvjeçare.
Kontrata paraprake e 27-vjeçarit skadonte në vitin 2012, ndërsa duke vërejtur interesimin e skuadrave të shumta, Werderi vendosi t’ia përmirësojë kushtet e kontratës se vjetër dhe ta vazhdojë atë deri në vitin 2013.

“Jemi të kënaqur që do ta mbajmë Naldon edhe një vit më shumë te Werder Bremeni. Ai është një ‘tra’ i rëndësishëm në lojën ton dhe është shndërruar në njërin nga mbrojtësit më të mirë në Ligë”, thotë menaxheri Klaus Allofs.

<- Back

1 ... 14 15 16 17 18 19 20 ... 52

Continue ->